'కేబుల్' తో సన్ 'డిష్'యూం..

ఏకపక్ష నిర్ణయాలతో తరచూ కేబుల్ ఆపరేటర్లు, ఎం.ఎస్.ఓ.లతో గిల్లి కజ్జాలకు దిగే సన్ టీవీ నెట్ వర్క్ రాష్ట్రంలో మరో యుద్దానికి తెరలేపుతోంది. సన్ వారి ఈ తాజా ఎత్తుగడ కేబుల్ రంగాన్నే దెబ్బ తీయబోతోంది. సన్ డీటీహెచ్ వచ్చే నెలలో ప్రారంభం అవుతోంది. ఇప్పటికే ఈ రంగంలో ఉన్న టాటా స్కై, డిష్ టీవీ డిటిహెచ్లకన్నా తక్కువ ధరకే సన్ డిటిహెచ్ అందుబాటులోకి రానుంది. బహుషా కేవలం రు.75/-కే అన్ని తెలుగు ఛానెళ్ళు సన్ డీటీహెచ్ ప్యాకేజీలో అభిస్తున్నాయని వినికిడి. సన్ డిటిహెచ్ ఎత్తుగడ కేబుల్ రంగం పునాదులనే కదిలిస్తుందని భావిస్తున్నారు. గతంలో ఫే ఛానెళ్ళ విషయంలో సన్ నెట్ వర్క్ ఏక పక్ష నిర్ణయాల విషయంలో కేబుల్ ఆపరేటర్లు సమ్మెకు దిగిన సంగతి అందరికీ గుర్తుండే వుంటుంది. తాజా 'డీటిహెచ్ వార్ ' ఎక్కడికి దారి తీస్తుందో చూడాలి.