ఈనాడూ.. ఇదేం ధోరణి?

ఇటీవలే 'ఎబౌట్ తెలుగు మీడియా' వార్తా పత్రికలు యాడ్స్ విషయంలో అవలంభిస్తున్న అతి ధోరణులను సమీక్షించటం గమనించే ఉంటారు. ఒక్క ' వార్త ' దిన పత్రికే కాదు అన్ని పత్రికలు ఇదే విధంగా తయారయ్యాయని ఒక కామెంటర్ స్పందించాడు. నిజమే.. చివరకు ' ఈనాడు ' దిన పత్రిక సైతం కట్టుబాట్లను గాలికి వదిలింది అనే సత్యాన్ని 23-11-2007 నాటి సంచిక తొలి పేజీ చూసిన తర్వాత నిర్ధారించుకున్నాం. ఇటీవల వరికి మద్దతు ధర విషయంలో అసెంబ్లీలోనే రాత్రి నిద్ర చేసి వినూత్న నిరసన తెలిపిన ప్రతిపక్ష నేత చంద్రబాబు నాయుడు మరునాటి ఈనాడు దిన పత్రిక చూసి నివ్వెర పోయాడట. ఈనాడు మొదటి పేజీలో రావల్సిన తన వార్త స్థానంలో ముఖ్యమంత్రి రాజశేఖర రెడ్డి చిరునవ్వులు చిందిస్తున్న పొడువాటి ప్రకటన మనస్థాపం కలిగించిందట.