ఈ ఛానెళ్ళు ఎంత కాలం ఉంటాయి?

తెలుగులో వినోద, న్యూస్ ఛానెళ్ళు పుట్ట గొడుగుల్లా పుట్టు కొస్తున్నాయి. ఈటీవీ, ఈటీవి-2, టీవీ-9, ఎన్-టీవీ, టీవీ-5, జెమిని, జెమిని న్యూస్, తేజా, డీడీ, మాటీవీ లకు తోడు త్వరలో సాక్షి, సితార, హెచ్.ఎం .టీవీ, హై టీవీ, జీ 24 గంటలు, ఇ-న్యూస్, ఎన్ స్టూడియో, లోకల్ టీవీ, ఆర్ టీవీ..(ఈ జాబితాకు అంతం లేదు, ఇందులో భక్తి, కామెడి, మ్యూజిక్ చానెళ్ళను మినహాయించం) ఛానళ్ళు రావడంతో జర్నలిస్టులకు గిరాకీ పెరిగి వేల కొలది రూపాయల జీతాలు దొరుకు తున్నాయి. ప్రస్తుతానికి అంతా హాపీయే.. కాని భవిష్యత్తు గురించి ఎవరూ అలోవించడం లేదు. ఈ పోటీ ప్రపంచంలో ఒకటి రెండు ఛానళ్ళే నిలుస్తాయని మీడియా ప్రముఖులు అంచనా వేస్తున్నారు. ఛానెల్ ప్రారంభించేందుకు అవసరమైన టెక్నాలజీ ఖర్చు తగ్గడంతో సౌండ్ పార్టీలన్నీ తమ వ్యాపార, రాజకీయ ప్రయోజనం కోసం పోటా పోటీగా గోదాలోకి దిగుతున్నారు. ప్రస్తుతం ఐటీ రంగంలో కనిపిస్తున్న గడ్డు పరిస్తితే రేపు మీడియాకూ రాక తప్పని పరిస్తితులు కనిపిస్తున్నాయి. తగిన మార్కెట్ లేక, జీతాల బిల్లులు భారమై కొన్ని ఛానెళ్ళు మూత పడక తప్పని పరిస్తితి కనిపిస్తోంది. చివరికి మిగిలేదెవరో, మునిగేదెవరో చెప్పడం కష్టమే. ఎన్నికలు అయ్యేంత వరకైతే ఎవరికీ డోకా లేదు ఆ తర్వాత జర్నలిస్టులు ఎవరి దారి వారు చూసుకోవటానికి ఎప్పటి నుండే జాగ్రత్త పడటం అవసరం.