'ఆర్కె 'తో మరింత దెబ్బతిన్న జెమిని న్యూస్

జెమిని న్యూస్ లో కొన్ని బులిటిన్లు లీజుకు తీసుకున్న ఆర్.కె. ప్రొడక్షన్స్ దారుణంగా చతికిల పడింది. వీరు ప్రసారం చేస్తున్న నాసిరకం బులిటిన్లు చూసి జెమిని-సన్ మేనేజిమెంట్ తల పట్టుకుంతోంది. లీజు వల్ల సంస్థకు ఆదాయం సంగతేంటో కానే జెమిని న్యూస్ మరింత అద్వాన్నంగా తయారైంది. లేజుకు తీసుకున్న బులిటిన్లు కూడా సక్రమంగా ప్రసారం చేయడంలో ఆర్.కె. ప్రొడక్షన్స్ విఫలమైందని జెమిని వర్గాలు చెబుతున్నాయి. ఆర్.కె.వారు రోజుకి 16 బులిటిన్లు ఇవాల్సి ఉండగా 6,7కి మించి ఇవ్వడం లేదు( అవీ కూడా చాలా లేటుగా. మరో వైపు జెమిని న్యూస్ మొత్తాన్ని తాము కొనేసినట్లు ఆర్.కె.ప్రొడక్షన్స్ తప్పుడు ప్రచారం చేసుకుంటోంది. ఆర్.కె.తో జెమిని యాజమాన్యానికి కుదిరిన ఒప్పందం గడువు 3 నెలలకే. ఎన్నికల్లోపు అందినంత దండుకొని ఆర్.కె. ప్రొడక్షన్స్ బయట పడొచ్చేమో కానీ పోయిన ప్రతిష్టను జెమిని ఎవరు తెచ్చివ్వగలరూ?. ఇప్పటికే ఆర్.కె.వారు చేస్తున్న అరాచకాలు కథలు కథలుగా వినిపిస్తున్నాయి.